Kişi taekvondoçulardan ibarət Azərbaycan millisi təlim-məşq toplanışına start verib. Taekvondo Federasiyasından apasport.az saytına verilən məlumata görə, baş məşqçi Reza Mehmandost Rio Olimpiadasına hazırlıqlara lisenziya qazanan Milad Beigi Harçeqani (80 kq) və Radik İsayevlə (+80 kq) yanaşı, bütün yığma üzvlərini dəvət edib.

İranlı mütəxəssis və böyük məşqçi Elnur Amanovun rəhbərliyi altında məşq edən komandamız federasiyanın inzibati binasının zalında məşq keçir. Onların təlim-məşq toplanışı üçün bölgələrə və ölkə xaricinə çıxmaları istisna olunmur.

Qeyd edək ki, Rio-2016-ya lisenziya qazanan Patimat Abakarova (49 kq), həmçinin Yaprak Eriş (62 kq) iyulun 8-dək Koreyada hazırlıq keçəcək. 67 kq çəki dərəcəsində Olimpiadaya ölkəmizi təmsil edəcək Fəridə Əzizova isə şəxsi məşqçisinin rəhbərliyi altında hazırlaşır.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM