Yunanıstanın paytaxtı Afinada Ümumdünya Taekvondo Federasiyasının prezident kubokuna start verilib. Taekvondo Federasiyasından apasport.az saytına verilən məlumata görə, yarışın ilk günü Azərbaycan millisi üçün uğurlu alınıb.

Belə ki, 57 kq çəki dərəcəsində dayanq üzərinə çıxan Yarpaq Eriş bürünc medal qazanıb. İlk görüşündə yerli Asimina Tzortzini mübarizədən kənarlaşdıran taekvondoçumuz ardınca fransalı Lauriqan Çelini, belçikalı Rahele Asemani və polşalı Patrisiya Adamyeviçi məğlub edib. Lakin Eriş yarımfinal səddini keçə bilməyib. O, rusiyalı Yekaterina Kimə uduzaraq, 3-cü yeri tutub.

Qeyd edək ki, sayca ikinci olan G2 kateqoriyalı yarışda yeniyetmə, gənc və böyüklərdən ibarət yığma komandamız 35 idmançı ilə təmsil olunur. Bu turnirdə mükafatçılar sırasında yer alacaq idmançılar il ərzində keçirilməsi nəzərdə tutulan Avropa birinciliyi və çempionatına öz çəkilərində əlavə lisenziya əldə etmiş olacaqlar. Yarışa aprelin 30-da yekun vurulacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM