Bolqarıstanın paytaxtı Sofiyada qadın boksçular arasında Avropa çempionatında növbəti görüşlər keçirilib. Apasport.az saytının məlumatına görə, yarışın ikinci günü Azərbaycan millisinin 1 idmançısı rinqə çıxıb.

48 kq çəki dərəcəsində mübarizə aparan Əzizə Abbasova macarıstanlı Virginya Barankayla döyüşüb. Təəssüf ki, o, qarşılaşmadan 0:3 (37:39; 37:39; 37:39) hesablı məğlubiyyətlə ayrılıb.

Bu gün daha 2 təmsilçimiz yarışa qoşulacaq. Anaxanım Ağayeva (51 kq) Yelena Saveleva (Rusiya) ilə, Yana Alekseyevna (60 kq) Esra Yıldızla (Türkiyə) münasibətinə aydınlıq gətirəcək.

Qeyd edək ki, çempionata 9 boksçu ilə yollanan millimizin heyətində Abbasovadan öncə Anna Əlimərdanova (54 kq) ilk döyüşünü keçirib. Belaruslu Elina Bruyeviçi 3:0 hesabı ilə məğlub edən boksçumuz 1/4 finalda Yelena Envallla (İsveç) qarşılaşacaq. 

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq