Şahmat üzrə 12-ci dünya çempionu Anatoli Karpov Bakıya gələcək. Apasport.az saytının məlumatına görə, bu barədə xəbəri Bakı Şahmat Olimpiadası Əməliyyat Komitəsinin direktoru Mahir Məmmədov verib.

Açılış mərasimi sabah keçiriləcək 42-ci Ümumdünya Şahmat Olimpiadasına həsr olunan mətbuat konfransında çıxış edən Məmmədov qeyd edib ki, yarışa bir sıra məşhur qrossmeysterlər Olimpiadaya fəxri qonaq kimi dəvət edilib. Onlar arasında 12-ci dünya çempionu Anatoli Karpov da var. Rusiyalı şahmatçı artıq ölkəmizə gələcəyini təsdiqləyib.

Məmmədov bildirib ki, Azərbaycan şahmatının yetirməsi olan, erməni əsilli 13-cü dünya çempionu Harri Kasparov isə Olimpiadanın qonaqları sırasında yer almayıb. Buna FİDE-nin ona tətbiq etdiyi cəza imkan verməyib. Çünki Kasparova qurumun bayrağı altında keçirilən yarışlarda qonaq kimi də iştirakına qadağa qoyulub.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM