İslandiyada təşkil olunan şahmat üzrə “Reykyavik Open” turnirində IV turun oyunları keçirilib. Apasport.az saytının məlumatına görə, yarışda mübarizə aparan həmyerlilərimiz  Şəhriyar və Zeynəb Məmmədyarovlar növbəti qələbələrini qazanıblar.

Belə ki, islandiyalı Hedinn Steynqrimssonla (2530) qarşılaşan Şəhriyar (2756) rəqibini mat etməkdə çətinlik çəkməyib. Zeynəb (2303) isə ispaniyalı Daima Benetə (2044) qalib gəlib.

Hazırda Şəhriyar 4 xalla 3-cü, hesabında 2,5 xalı olan Zeynəb 89-cu yerədi.

37 ölkədən 150 şahmatçının mübarizə apardığı turnirin V turunda Şəhriyar islandiyalı Steynn Qretarssonla (2554), Zeynəb isə fransalı Qreqori Luksla (2065) üz-üzə gələcək.

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO