İtaliyanın Linyano Sabbyadoro şəhərində yeniyetmə və gənc cüdoçular arasında 21-ci “Alpe Adria” beynəlxalq turniri keçirilib. Apasport.az saytının məlumatına görə, 988 cüdoçunun mübarizə apardığı yarışa Azərbaycan gənclərdən ibarət milli komandasının heyətində “Qəbələ” İdman Klubunun üzvləri də iştirak edib.

Yığmamızın qazandığı 9 medaldan ikisi klubun cüdoçularının hesabındadı. İsmayıl İbrahimov finala qədər bütün rəqiblərinə qalib gələrək, yalnız həlledici görüşdə tatamini məğlub tərk edib. Bununla da cüdoçumuz gümüş medal qazanıb.

Rüfət Tağızadə isə İtaliyada bürünc medala sahib olub.

Qeyd edək ki, millimiz komanda hesabında turniri birinci yerdə başa vurub.

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı