Oktyabrın 15-də Eyndhoven şəhərində taekvondo üzrə açıq Niderland çempionatı keçiriləcək. 

Taekvondo Federasiyasından apasport.az saytına verilən məlumata görə, G2 kateqoriyalı yarışda Azərbaycan milli komandası da mübarizə aparacaq. 

Ölkəmiz Eyndhovendə kişilərdən ibarət yığmanın böyük məşqçisi Elnur Amanov, qadınlardan ibarət millinin baş məşqçisi Səbuhi Zülfüqarov və böyük məşqçisi Sənan Həşimovun rəhbərliyi altında 8 taekvondoçu ilə təmsil olunacaq. Yarışda dayanq üzərinə Səyyad Dadaşov (54 kq), Sədri Həmidrza (58 kq), Xanoğlan Kərimov (63 kq), Yaşar Məmmədli (68 kq), Eltac Qafarov (74 kq), Taleh Süleymanov (87 kq), Minayə Əkbərova (46 kq) və Sona Ağayeva (49 kq) çıxacaqlar. 

Qeyd edək ki, Niderlanda bu gün yollanan komanda oktyabrın 16-da Vətənə qayıdacaq.
 

• “Formula 2” Bakı Qran-prisinin ikinci böyük səhnəsi: Sürət, rəqabət və adrenalin - FOTOLENT
• “Xankəndi” Zaur Hacıyevlə yollarını ayırdı - RƏSMİ
• Tiaqo Silva “Şəfa”da
• Şəhid Jurnalistlərin xatirəsinə həsr olunan Minifutbol Turnirinin açılışı və ilk turun oyunları keçiriləcək - FOTO
• Rusiya ilə İran yoldaşlıq görüşündə üz-üzə gələcək