Bu gün Misli Premyer Liqasında X turun daha iki oyunu keçiriləcək.

Apasport.az xəbər verir ki, hər iki qarşılaşma bölgələrdə baş tutacaq.

Günün ilk matçında “Araz-Naxçıvan” “Zirə”ni qəbul edəcək.

Naxçıvan təmsilçisi cari mövsümdə qələbə qazanmayan yeganə komandadır. Aktivində cəmi 2 xal olan kollektiv turnir cədvəlinin sonuncu – 12-ci pilləsində qərarlaşıb.

Rəşad Sadıqovun rəhbərlik etdiyi “Zirə” isə 9 oyundan sonra 15 xalla 5-ci yerdədir. “Qartallar” qalib gələcəyi təqdirdə xalını 18-ə çatdıraraq “Turan Tovuz”a çatacaq. Eyni zamanda, bir oyun az keçirmiş lider “Sabah”la xal fərqini 2-yə endirəcək.

Qeyd edək ki, turun ilk oyununda “Turan Tovuz” doğma meydanda “Sabah”ı 3:2 hesabı ilə məğlub edib.

Misli Premyer Liqası

I dövrə, X tur

15:00. “Araz-Naxçıvan” – “Zirə”

Hakimlər: Elvin Bayramov, Rəhman İmami, Rahil Ramazanov, Ruslan Quliyev.

VAR: Əliyar Ağayev.

AVAR: Zeynal Zeynalov.

Hakim-inspektor: Rəhim Həsənov.

Şamaxı şəhər stadionu

• İlham Əliyev Bakıda keçirilən FIFA U-15 mundialının finalını izləyib - YENİLƏNİB
• Bakıda FIFA U-15 dünya çempionatının bağlanış mərasimi keçirilib - YENİLƏNİB - FOTO
• Dörd iddiaçı, bir çempion – Qızıl medallara kim daha yaxındır?
• Ölkə kubokunda qol “yağışı”: 18 oyunda 107 qol
• “Kəpəz” “Turan Tovuz”un rekordunu yeniləyib