İngiltərəli hakim Maykl Oliver 2026-cı il dünya çempionatında ilk təyinatını zədə səbəbindən buraxacaq.

Apasport.az xəbər verir ki, FIFA E qrupunun Fil Dişi Sahili - Ekvador matçında hakim dəyişikliyi edib.

Qarşılaşmanı idarə etməli olan Oliveri fransalı referi Fransua Leteksye əvəzləyəcək.

FIFA-nın açıqlamasında ingiltərəli hakimin yüngül zədə aldığı bildirilib. Qurum Oliverin yaxın günlərdə tam bərpa olunaraq yenidən təyinat ala biləcəyini açıqlayıb.

Leteksyeyə bu oyunda fransalı laynsmanlar Siril Münyer və Mehdi Rahmuni kömək edəcək. Oliverlə birgə təyinat alan ingiltərəli köməkçilər Stüart Bart və Ceyms Meynvarinq də dəyişdirilib.

Qeyd edək ki, Maykl Oliver 2010-cu ildən İngiltərə Premyer Liqasında oyunları idarə edir. O, 2022-ci il dünya çempionatında 3 matçda iş başında olub.

• "Araz-Naxçıvan"ın Çempionlar Liqası matçının təyinatları bəlli olub
• Azərbaycan millisi İsraili məğlub etdi - YENİLƏNİB
• Azərbaycan millisindən növbəti qələbə - YENİLƏNİB
• Bakıda Kanaki–Yeni Kaledoniya və Fransız Polineziyasının gənc futbolçularına dəstək aksiyası keçirilib
• Azərbaycan millisi məğlub olub