Avropa Liqasının Liqa mərhələsinin III turunun "Qarabağ" - "Ayaks" matçından öncə qonaqların çalışdırıcısı Françesko Fariolinin mətbuat konfransı keçirilib.

- Niyə oyunqabağı məşq üçün “Neftçi Arena”nı seçdiniz?
- Plan belə idi. Biz adətən diqqəti cəlb etməyi yox, başqa stadionda sərbəst məşq etməyi xoşlayırıq.

- Sabahkı matç haqqında nə düşünürsünüz?
- Rəqibimizi təhlil etmişik. “Qarabağ” güclü rəqibdir, bir çox titulları var. Futbolçuları ilə maraqlanırdım. Mən Türkiyədə işləmişəm, ona görə də Azərbaycan haqda məlumatlıyam. Çünki bu ölkələr bir-birinə yaxındır. Kadr itkilərimiz var, Bakıya tam kompakt gəlməmişik.

- “Qarabağ”ın heyətində ən çox nədən ehtiyat edirsiz?
- Bəzi futbolçuları fərdi şəkildə öyrəndik. Dinamik komandadır. Son dəqiqələrdə uduzduqları “Bayer”lə oyunu diqqətə çatdırardım.

- Sabah hansı nəticəni gözləyirsiniz?
- “Qarabağ”ın güclü və zəif tərəflərini analiz edirik. Biz daha yaxşı olmaq və layiqli xallar qazanmaq istəyirik.

- Zehni olaraq uduzmağa hazırsınız?
- Futbolda hər şey ola bilər. Amma biz öz oyunumuza və nəticəyə köklənmişik. Sabah sürpriz olarsa, növbəti oyunlara hazırlaşacağıq.

- Bakıya “Ayaks”ın çoxsaylı azarkeşləri gəlib. Onlara nə demək istərdiniz?
- Bu haqda eşitmişəm. Bura gəlmək ucuz deyil, üstəlik çox pul xərcləməli oldular. Biz onlara bir jest etmək və qələbə ilə təşəkkür etmək istəyirik.

• Fernandu Santuş: “Bütün məsuliyyət mənim üzərimdədir”
• Türkiyədən şok məğlubiyyət - YENİLƏNİB
• Lebondan dubl, komandasından qələbə
• Elvin Yunuszadə: “Futbolda gərək şansın da olsun”
• Şahin Diniyev: "Bugünkü vəziyyət hər birimizi pərişan edir"