Türkiyənin UEFA Konfrans Liqasındakı təmsilçisi "Trabzonspor" turnirin liqa mərhələsinə vəsiqə qazana bilməyib.

Apasport.az xəbər verir ki, Qara dəniz təmsilçisi evdə İsveçrənin "St. Qallen" klubu ilə üz-üzə gəlib.

Cütün ilk qarşılaşmasında qapılara yol tapılmamışdı. Trabzondakı matçda isə hərəyə bir dəfə fərqlənən komandalar penaltilər seriyasında qalibin adına aydınlıq gətiriblər. 31-ci dəqiqədə qonaqların heyətində İsaak Şmitin vurduğu qola 52-ci dəqiqədə Enis Destan cavab verib. Əlavə vaxtda da qapılara yol tapılmadığı üçün tərəflər penaltilər seriyasına yollanıb. 

Qonaqların 5 futbolçusu hədəfdən yayınmayıbsa, "Trabzonspor"da Saviç 5-ci zərbədə topu qapıdan keçirə bilməyib. Beləcə, Türkiyə təmsilçisi liqa mərhələsindən kənarda qalıb. 

• DÇ-2026: Niderlanddan darmadağın - 8:0 - YENİLƏNİB
• Belçika - Uels görüşündə 7 qol, İtaliyadan inamlı qələbə - YENİLƏNİB
• Marko Rossi: “Azərbaycana qarşı oynamaq bizim üçün asan olmayacaq”
• Macarıstan millisinin üzvü: “Bizim üçün nəticə önəmlidir”
• İsko son 6 ildə ilk dəfə İspaniya millisinin heyətində meydana çıxıb