Parisdə keçirilən cüdo üzrə “Böyük Dəbilqə” turniri davam edir.

Apasport.az xəbər verir ki, Azərbaycan millisi yarışda 10 cüdoçu ilə təmsil olunur.

Bu gün dörd idmançımız mübarizəyə qoşulub.

81 kq. çəki dərəcəsində Ömər Rəcəbli Xorxe Peresə (Çili) qalib gələrək növbəti mərhələyə çıxıb. 1/4 finalda onun rəqibi Arnaud Areqba (Fransa) olacaq.

100 kq. çəki dərəcəsində Əjdər Bağırov əvvəlcə Mark Fransua Nqayap (Fransa), sonra da Georgios Kroussaniotakisə (Kipr) qalib gəlib. O, yarımfinala çıxmaq uğrunda Seheon Kim (Koreya) ilə mübarizə aparacaq.

+100 kq çəki dərəcəsində isə Kənan Nəsibov Marti Puumalaynenə (Finlandiya) məğlub olub. Uşanqi Kokauri də Toma Nikiforova (Belçika) uduzub.

Qeyd edək ki, ilk yarış günündə Ruslan Paşayev (66 kq) çempion olub, Rəşid Məmmədəliyev (73 kq) isə bürünc medal qazanıb.

• Cüdoçunun kata növü üzrə ölkə çempionatı və birinciliyi keçiriləcək
• Bakıda dünya çempionatı üçün xüsusi videoçarx – Cüdo ulduzları bir araya gəldi
• Cüdoçularımız Bakıda keçirilən beynəlxalq təlim-məşq toplanışında iştirak edir
• Məhəmməd Musayev 2 qat Avropa çempionu oldu
• Cüdoçularımızın Avropa çempionatında ilk rəqibləri bəlli oldu