28–30 avqust 2025-ci il tarixlərində Bakıda Azərbaycan kamandan oxatma üzrə ölkə birinciliyi və çempionatı baş tutacaq.

Apasport.az xəbər verir ki, turnirdə ölkənin müxtəlif bölgələrini təmsil edən 60-dan çox peşəkar idmançı çempionluq uğrunda mübarizə aparacaq.

Yarışlar kişi və qadın idmançılar arasında üç yaş kateqoriyası üzrə keçiriləcək: 16 yaşadək yeniyetmələr (30 metr məsafə), 16–18 yaşlı gənclər (60 metr məsafə) və böyüklər (70 metr məsafə).

Üç gün davam edəcək çempionata avqustun 28-də saat 10:00-da Bayıl Stadionunda (ASKO Arena, Səbail rayonu) məşq sessiyaları ilə başlanılacaq.

Avqustun 29-da sıralama atışları keçiriləcək. Turnirə 30 avqust tarixində 1/4 final mərhələsindən finaladək davam edəcək yarışlarla yekun vurulacaq.

Günün sonunda qaliblərin mükafatlandırma mərasimi təşkil olunacaq.

• Velosipedçimiz Özbəkistanda 4-cü olub
• Təhminə Tağı-zadə Lozannada keçirilən qlobal antidopinq forumunda Azərbaycanı təmsil edib
• Azərbaycan və Türkiyə gənclər və idman sahəsində əməkdaşlığın perspektivlərini müzakirə edib
• Dövlət qurumları arasında bilyard turniri keçirilib - FOTO
• Azərbaycan WADA-nın beynəlxalq konfransında təmsil olunub