Mayın 1-də Bakıda start götürəcək bədii gimnastika üzrə Avropa kubokunun proqramı açıqlanıb.

Apasport.az xəbər verir ki, 4 gün davam edəcək yarış ötən il olduğu kimi, maraqlı qaydalar əsasında keçiriləcək.

Reqlamentə əsasən, hər bir iştirakçı finala qədər yalnız bir növdə çıxış edəcək.

Müsabiqənin proqramına gəlincə, mayın 1-də halqa ilə, ertəsi gün isə top və lentlə çıxış edəcək gimnastlar arasında təsnifat mərhələsi keçiriləcək. Mayın 2-də komandalar qrup hərəkətlərində öz proqramlarını təqdim edəcəklər.

Mayın 3-də fərdi və qruplar arasında “Cross Battles”, mayın 4-də isə yeniyetmələr arasında final yarışları baş tutacaq.

Qeyd edək ki, turnirdə 23 ölkənin gimnastları mübarizə aparacaq.

• Akrobatika və aerobika gimnastikası üzrə ölkə çempionatı keçiriləcək
• Azərbaycan komandası Avropa festivalında qızıl medal qazanıb
• Azərbaycan gimnastları SCALABISCUP beynəlxalq turnirini 12 medalla başa vurublar
• Azərbaycan komandası "European Gym for Life Challenge" festivalında birinci olub
• Gimnastlarımızdan Dünya kubokunda qızıl medal