Bu gün Şimali Makedoniyanın paytaxtı Skopyedə güləş üzrə U-17 Avropa çempionatında ilk medalçılar bəlli olur.

Apasport.az xəbər verir ki, yunan-Roma güləşçində Azərbaycan millisinin 3 üzvü mükafatlar uğrunda yarışıb.

Yekunda hər üç idmançımız fəxri kürsüdə yer almağı bacarıb.

Yunan-Roma güləşi
48 kq
Yarımfinada uduzan Qurban Məcnunov bürünc uğrunda Nikolaos Zinisa (Yunanıstan) qarşılaşıb. 4:1 hesabı ilə qalib gələn təmsilçimiz Avropa çempionatında komandamıza ilk medalı qazandırıb.

80 kq
Nicat Yeylaqaliyev bürünc medal uğrunda Frederik Abrahamssonla mübarizə aparıb. Güləşçimiz 10:0 hesabı ilə təmiz qələbə qazanaraq, fəxri kürsünün 3-cü pilləsində yer alıb.

110 kq
Rihad İbrahimli qızıl medal mübarizəsinə çıxıb. Onun rəqibi Denis Lazarov (Bolqarıstan) olub. 7:0 hesabı ilə qalib gələn Rihad Avropa çempionu tituluna yiyələnib.

Qeyd edək ki, Avropa çempionatında I dərəcəli hakim Vüqar Şükürov ədaləti qoruyur.

• Mikayıl Cabbarov növbəti dəfə Azərbaycan Güləş Federasiyasının prezidenti seçilib
• Azərbaycan güləşçisi İslam Oyunlarında qızıl medal qazanıb
• Güləşçimiz İslamiadanı ikinci pillədə başa vurub
• İslam Oyunları: İki güləşçimiz finalda - FOTO
• İslam Oyunları: Rəqibi meydana çıxmadı, güləşçimiz bürünc medala sahib oldu