Podkastlar idman dünyasında ən son xəbərlərdən tutmuş, dərindən araşdırılan mövzulardan olan diskussiyalara qədər geniş məzmunlar təqdim edir. "Apasport" idmansevərlər üçün mütləq dinlənilməli ən yaxşı 10 idman podkastını təqdim edir:
1. The Bill Simmons Podcast
Mövzu: Bill Simmons idman, pop mədəniyyət və musiqi haqqında müzakirələr aparır. NBA, NFL və digər idman növləri ilə bağlı aktual mövzulara diqqət yetirir. Simmons məşhur idmançılar, məşqçilər və jurnalistlər ilə maraqlı söhbətlər həyata keçirir.
2. The Lowe Post
Mövzu: Zax Louv tərəfindən aparılan bu podkast NBA ilə bağlı dərin analizlər, oyunçuların performansları və liqadakı ən son yeniliklər haqqında müzakirələr təqdim edir. Podkastda həmçinin qonaqların fikirləri ilə zənginləşdirilmiş dərin analizlər verilir.
3. Pardon My Take
Mövzu: "Barstool Sports" tərəfindən təqdim olunan bu podkast idman və komediya elementlərini birləşdirir. "Big Cat" və "PFT Commenter" tərəfindən aparılan bu şouda aktual idman xəbərləri komik bir tərzdə müzakirə olunur və populyar idmançılarla maraqlı müsahibələr təqdim olunur.
4. The Ringer NFL Show
Mövzu: NFL-in hər tərəfini əhatə edən bu podkast, oyun öncəsi analizlərdən tutmuş, mövsüm sonrası dəyərləndirmələrə qədər müxtəlif mövzuları əhatə edir. NFL fanatları üçün mütləq dinlənilməli bir podkastdır.
5. The Tony Kornheiser Show
Mövzu: Tony Kornheyzerin aparıcılığında yayımlanan bu podkast idman, mədəniyyət və gündəlik həyatdan aktual mövzuları əhatə edir. Kornheyzer özünəməxsus yumor anlayışı və məlumatlı qonaqları ilə dinləyicilərə maraqlı məzmunlar təqdim edir.
6. Men in Blazers
Mövzu: Futbol həvəskarları üçün nəzərdə tutulan bu podkast Premyer Liqa, Çempionlar Liqası və digər futbol hadisələri haqqında müzakirələr aparır. İngilis futboluna xüsusi vurğu edilir və bəzən qonaqlarla müsahibələr təşkil olunur.
7. The Woj Pod
Mövzu: Adrian Voynarovski tərəfindən aparılan bu podkast NBA dünyasındakı ən son xəbərlər və xəbərlərin arxasında baş verən hadisələrə diqqət yetirir. Voynarovski liqadakı aparıcı şəxslərlə eksklüziv müsahibələr edir və maraqlı məlumatlar paylaşır.
8. Jalen & Jacoby
Mövzu: Yalen Roz və Deyvid Yakobi tərəfindən aparılan bu podkast NBA başda olmaqla müxtəlif idman mövzularına və pop mədəniyyətə toxunur. Həm məlumatlandırıcı, həm də əyləncəli bir podkastdır.
_1724750532.jpg)
9. The Daily Stoic Podcast
Mövzu: Rayan Holidey tərəfindən təqdim olunan bu podkast idmançılar və idman sevərlər üçün stoik fəlsəfəsi ilə bağlı məsləhətlər verir. Həm mental hazırlıq, həm də həyat dərsləri verən bir podkast olaraq dinlənilməyə dəyər.
10. Effectively Wild
Mövzu: Ben Lindberq və Sem Miller tərəfindən aparılan bu podkast beysbolun hər tərəfini əhatə edir. Beysbol həvəskarları üçün statistik analizlər, oyunçuların performansları və liqadakı ən son yeniliklər haqqında müzakirələr təqdim olunur.
Oxşar xəbərlər
Ana səhifə
Bütün xəbərlər
Hesabım