Azərbaycan taekvondoçusu Qaşım Maqomedovun Paris-2024 Yay Olimpiya Oyunlarındakı ilk rəqibi məlum olub.

Apasport.az xəbər verir ki, 58 kq çəkidə mübarizə aparacaq idmançımız 1/8 finalda İrlandiya təmsilçisi Cek Uolleylə üz-üzə gələcək.

Görüş sabah Bakı vaxtı ilə saat 13:48-də başlayacaq.

Maqomedov Avropa çempionudur. O, həmçinin qitə çempionatında 1 bürünc, Avropa Oyunlarında 1 bürünc, İslam Həmrəyliyi Oyunlarında isə 1 gümüş və 1 bürünc medal qazanıb.

Onun rəqibi Cek Uolley Avropa çempionatının və Avropa Oyunlarının gümüş mükafatçısıdır. 

Qeyd edək ki, 58 kq çəkidə mübarizəyə sabah yekun vurulacaq.

• Gürcüstanda Azərbaycan uğuru: Taekvondoçularımızdan 4 medal
• Taekvondo üzrə yeniyetmələr arasında ölkə birinciliyi keçiriləcək
• Azərbaycanı taekvondo üzrə gənclər arasında dünya birinciliyində 15 idmançı təmsil edəcək
• Taekvondo üzrə yeniyetmələr arasında Azərbaycan birinciliyi keçiriləcək
• Parataekvondoçularımızdan beynəlxalq turnirdə daha bir bürünc medal