Belçikanın Lommel şəhərində taekvondo üzrə “Belgian Open” beynəlxalq turniri keçirilib.

Apasport.az xəbər verir ki, yarışın ilk günündə gənc taekvondoçularımız mübarizəyə qoşulublar.

Komandamızın üzvləri 1 qızıl və 4 bürünc medal qazanıblar. 49 kq çəki dərəcəsində çıxış edən Nilufər Borci bütün rəqiblərinə qalib gələrək fəxri kürsünün ən yüksək pilləsində yer alıb.

Taekvondoçularımız Rasim Xəlilov (45 kq), İlknur Əlimov (48 kq), Mehriban İsmayıllı (46 kq) və Allahverdi Məmmədov (+78 kq) bürünc medal əldə ediblər.

Böyüklər arasında keçirilən yarışda taekvondoçumuz Qaşim Maqomedov (63 kq) bürünc medal qazanıb.

Qeyd edək ki, turnirdə beyxəlxalq dərəcəli referi Aygül Abdullayeva ölkəmizi hakim kimi təmsil edib.

• Taekvondo üzrə yeniyetmələr arasında Azərbaycan birinciliyi keçiriləcək
• Parataekvondoçularımızdan beynəlxalq turnirdə daha bir bürünc medal
• İki parataekvondoçumuz Antalyada bürünc medal qazanıb - FOTO
• Parataekvondoçumuz beynəlxalq turnirdə bürünc medal qazanıb
• Millimiz beynəlxalq turnirdə iştirak edəcək