Avropa Stolüstü Tennis Birliyinin icraçı prezidenti Pedro Migel Moura Bakıya gəlib.

Apasport.az xəbər verir ki, qurum rəsmisi Azərbaycan Stolüstü Tennis Federasiyasının (ASTF) dəvəti ilə ölkəmizdə səfərdədir.

Pedro Migel Moura ilə ASTF-nin vitse-prezidenti Elmar İslam və baş katibi Könül Mikayılova əvvəlcə Fəxri xiyabanda Ümummilli Lider Heydər Əliyevin məzarını ziyarət ediblər. Görkəmli oftalmoloq alim, akademik Zərifə Əliyevanın da xatirəsi anılıb. Ardınca Şəhidlər Xiyabanında azadlıq fədailərinin xatirəsinə ehtiram bildirilib.

Səfər çərçivəsində stolüstü tennisçilərin məşq bazasına baş çəkən Pedro Migel Moura idmançılara yaradılan şəraitlə tanış olub, hazırlıq prosesini yaxından izləyib.

Qeyd edək ki, Avropa Stolüstü Tennis Birliyinin icraçı prezidentinin Azərbaycana səfəri sentyabrın 20-də yekunlaşacaq.

• Tennis yığmamız “Davis Cup” üçün Moldovaya yola düşüb
• Bakıda keçirilən beynəlxalq tennis turnirinin qalibləri müəyyənləşib
• Bakıda keçirilən beynəlxalq tennis yarışının qalibləri bəlli olub
• Ənvər Ənvərli Azərbaycan Tennis Federasiyasının yeni prezidenti seçilib
• İslam Oyunları: Millimiz yarımfinalda məğlub oldu, bürünclə kifayətləndi