Serbiyalı tennisçi Novak Cokoviç Pekində keçirilən ATP-500 turnirinin qalibi olub.
Apasport.az xəbər verir ki, dünya reytinqində 11-ci olan Cokoviç finalda 9-cu pillədə qərarlaşan avstraliyalı Aleks de Minaurla qarşılaşıb.
erbiyalı tennisçi ilk setdə tay-brekdə 7:3 hesabı ilə qalib gəlib. İkinci setdə De Minaurun 1:0 hesablı üstünlüyü zamanı avstraliyalı mübarizəni davam etdirə bilməyib.
Bu, Cokoviçin cari mövsümdə qazandığı ilk titul olub. Serbiyalı tennisçi Pekində karyerasında 7-ci dəfə çempion olub və turnirdə keçirdiyi 34 görüşün hamısından qalib ayrılıb.
Qeyd edək ki, Cokoviç ardıcıl 21 mövsümdür ən azı bir ATP turnirinin qalibi olur. Bu, bütün zamanların rekordudur. 39 yaşlı tennisçinin karyerasında qazandığı titulların sayı 102-yə çatıb.
Oxşar xəbərlər
Ana səhifə
Bütün xəbərlər