Seçmə komandamız beynəlxalq yarışda iştirak edəcək

25.09.2024 - 09:17

Azərbaycanın stolüstü tennisçiləri beynəlxalq yarışda iştirak edəcəklər.

Apasport.az xəbər verir ki, yığma bu məqsədlə Gürcüstana yollanıb.

Batumi şəhərində təşkil olunan “WTT Youth Contender” turnirində 10 idmançı bacarığını göstərəcək.

Baş məşqçi Mixail Timofeyev və məşqçi Səbinə Əzizlinin rəhbərliyi altında Adil Əhmədzadə, Rüstəm Hacılı, Hüseyn Eylazov, Onur Quluzadə, Tunar Bağırov, Mərziyyə Nurmətova, Arzu Aslanova, Aylin Əsgərova, Yağmur Məmmədli və Şəbnəm Mansurova etimadı doğrultmağa çalışacaqlar.

Beynəlxalq yarışa sentyabrın 29-da yekun vurulacaq.