Azərbaycanın voleybol yığmasının üzvü Natalya Məmmədovanın şərəfini qoruduğu “Türk Telekom” Türkiyə kubokunun II mərhələ səddini uğurla adlayıb. Apasport.az saytının məlumatına görə, ankaralılar səfərdə “Yaşılyurd” klubunu üstələyiblər.

Rəqibinə heç bir şans verməyən “Türk Telekom” inamlı qələbə qazanıb - 3:0 (25:12, 25:17, 25:13). Görüşə əsas heyətdə başlayan Məmmədova yenə inamlı oyunu ilə diqqət çəkib. Təsadüfi deyil ki, 24 yaşlı voleybolçumuzun oyunu üç ulduzla qiymətləndirilib.

Üçüncü mərhələyə vəsiqə qazanan “Türk Telekom”un növbəti rəqibi hələ müəyyənləşməyib.

• “Gəncə”də ayrılıq
• Rusiyalı voleybolçu "Gəncə"də
• "Abşeron" heyətini yeni libero ilə gücləndirib
• Macarıstanlı voleybolçu "Abşeron"da
• "Abşeron"dan yeni transfer