Azərbaycanın qadınlardan ibarət voleybol yığmasının baza klubu “Azərreyl” bu gün Lüksemburqa yollanıb. Apasport.az saytının Voleybol Federasiyasının mətbuat katibi Zöhrab Gözəlbəyliyə istinadən verdiyi məlumata görə, Faiq Qarayevin rəhbərlik etdiyi komandamız bu ölkədə təşkil olunacaq beynəlxalq turnirə qatılacaq.

Dörd komandanın mübarizə aparacağı yarış dairəvi sistemlə keçiriləcək. “Azərreyl” ilk görüşünü yanvarın 2-də Danimarka yığmasına qarşı keçirəcək. Voleybolçularımız bir gün sonra Avstriya, yanvarın 4-də isə Lüksemburqu sınağa çəkəcək.

Qeyd edək ki, “Azərreyl” turnirə tam heyətlə yollanmayıb. Komandanın təcrübəli üzvləri, Oksana Məmmədyarova və Kseniya Kavalenka şəxsi işləri ilə əlaqədar Bakıda qalıblar.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq