Fevralın 17-də həndbol üzrə sayca XVI Azərbaycan çempionatı start götürəcək. Gənclər və İdman Nazirliyinin mətbuat katibi Səmayə Məmmədovanın apasport.az saytına verdiyi məlumata görə, yarışda 6 kişi və 5 qadın komandası mübarizə aparacaq.

Kişilərin turnirinə “Dinamo”, Təhsil Nazirliyi OEİUGİM, Nəsimi və Nizami rayonu İOEUGİM, həmçinin Şirvan və İsmayıllının komandaları qatılacaqlar. Qadın həndbolçular arasında isə ABU, “Qaradağ” klublar, Nəsimi və Nizami rayon İOEUGİM və Təhsil Nazirliyinin komandası çıxış edəcək.

Bütün oyunlar “ABU-Arena” İdman Kompleksində baş tutacaq. Öncə çempionatın yarısının keçirilməsi planlaşdırılıb. Klublar 11 gün ərzində rəqiblərini sınağa çəkəcəklər və fevralın 28-də birinci dövrə yekunlaşacaq.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq