Azərbaycanın qadınlardan ibarət voleybol yığmasının kapitanı Oksana Parxomenko karyerasını Rusiyada davam etdirəcək. Apasport.az saytının məlumatına görə, 25 yaşlı oyun qurucusu Moskvanın “Dinamo” klubuna keçib.

O, yeni klubu ilə bir illik müqavilə imzalayıb. Milli komandamızın lideri ötən mövsüm “Fənərbaxça” klubunun heyətində Türkiyə çempionu olub. İndi Oksana uzun müddət komanda yoldaşı olan Valeriya Korotenkodan ayrı çıxış edəcək.

Belə ki, onlar yığmamız və Bakının “Azerreyl” klubu ilə yanaşı, “Fənərbaxça”, “Valero”da (İsveçrə) bir yerdə oynayıblar.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq