Qadın voleybolçulardan ibarət Azərbaycan milli komandası Rusiyanın Yekaterinburq şəhərində bu ölkənin birinci prezidenti Boris Yeltsinin xatirəsinə həsr olunmuş turniri axırıncı pillədə başa vurub. Apasport.az saytının məlumatına görə, Faiq Qarayevin rəhbərlik etdiyi kollektiv bu gün 5-ci yer uğrunda görüşdə Belarusla bacarmayıb.

2 saat 1 dəqiqə davam edən oyunda komandamız 2:3 (22:25, 25:22, 19:25, 25:20, 13:15) hesablı məğlubiyyətlə üzləşib. Qələbəni şansını son anda itirən yığmamız bununla da, mayda Qubada keçirilmiş dünya çempionatının seçmə mərhələsində Belarusa 0:3 hesablı məğlubiyyətin də əvəzini çıxa bilməyib. Nəticədə voleybolçularımız 6 komandanın qatıldığı xatirə turnirində əliboş qalıblar.

• AVF hakimlər üçün seminar təşkil edib
• Azərbaycan kubokunun keçiriləcəyi tarixlər bəlli olub
• Təmsilçimiz Avropa çempionu olub
• “Azərreyl” Avropa Kubokunun qalibi olub
• Daha bir Azərbaycan komandası finalda