Bakının qadın voleybolçulardan ibarət “İqtisadçı” klubunda baş məşqçi dəyişikliyi olub. Azərbaycan Voleybol Federasiyasının mətbuat katibi Zöhrab Gözəlbəylinin apasport.az saytına verdiyi məlumata görə, ukraynalı baş məşqçi Vladimir Podkapayev tutduğu vəzifədən azad edilib. Bundan sonra “İqtisadçı”nı Pyotr Xilko çalışdıracaq.

Baş məşqçi dəyişikliyi komandanın son vaxtlar zəif çıxışı ilə əlaqədardır. Ötən həftə “Çağırış” kubokunun ikinci mərhələsi çərçivəsində səfərdə “Qalatasaray”a 0:3 hesablı məğlubiyyətdən sonra isə rəhbərlik qəti qərar gələrək, Podkapayevlə yollarını ayırıb.

Qeyd edək ki, “İqtisadçı”nın “Qalatasaray”la cavab görüşü dekabrın 10-da Bakı İdman Sarayında olacaq. Qarşılaşmanın start fiti saat 16:00-da çalınacaq.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq