Bu gün Azərbaycanın iki voleybol klubu avrokubokların 2009/10 mövsümündə növbəti matçını keçirib. Apasport.az saytının məlumatına görə, ölkə voleybolunun imicini qorumaq vəzifəsi “Rabitə” və “Azərneft”in üzərinə düşüb.

Qeyd edək ki, bu il avrokuboklara qatılmış 5 klubumuzdan 3-ü - “İqtisadçı”, “Lokomotiv” və “Azərreyl” uğursuzluğa düçar olub.

CEV kuboku, 1/8 final
Qadınlar
14 yanvar, saat 17:00
“Rabitə” - “Roşevill” (Fransa) - 3:0 (25:22; 25:21; 25:18)
İlk oyun - 1:3
Birinci set: İlk texniki fasilə ərəfsində üstünlüyə yiyələnən komandamız 25 dəqiqə sürən setin sonunadək təşəbbüsü əldən vermədilər. Nəticədə “Rabitə” birinci setdə 3 top fərqi ilə qalib gəldi.
İkinci set: Setin böyük hissəsi xala-xal prinsipi ilə getdi. Ancaq voleybolçularımız sona yaxın nəzarət tam ələ keçirdilər. 15:20, ardından isə 18:23 hesabı ilə gerdə qalan fransızlar yenə məğlubiyyətlə barışdılar.

***“Sərhədçi” Olimpiya İdman Mərkəzində keçirilən oyunu Azərbaycanın rabitə və informasiya texnologiyaları naziri Əli Abbasov da izləyib.

Üçüncü set: “Rabitə” üçüncü setə rəqibə əl-qol açmağa imkan vermədi. Hətta bir ara 11 xallıq üstünlük qazanan təmsilçimiz fransızları Bakıdan başıaşağı göndərdi.

***1/4 finalda “Rabitə”nin rəqibi “Azərreyl”i mübarizədən kənarlaşdırmış Türkiyənin “Əczaçıbaşı” komandası olacaq.

“Çağırış” kuboku, 1/16 final
Kişilər
14 yanvar, saat 19:30
“Azərneft” - “Volley” (İsveçrə) - 2:3 (21:25; 25:14; 16:25; 25:16; 9:15)
İlk oyun - 1:3

• AVF hakimlər üçün seminar təşkil edib
• Azərbaycan kubokunun keçiriləcəyi tarixlər bəlli olub
• Təmsilçimiz Avropa çempionu olub
• “Azərreyl” Avropa Kubokunun qalibi olub
• Daha bir Azərbaycan komandası finalda