Azərbaycanın yeniyetmə qızlardan ibarət voleybol üzrə milli komandasının Avro-2010-nun ikinci seçmə mərhələsində keçirəcəyi oyunların vaxtı müəyyənləşib. Apasport.az saytının məlumatına görə, A qrupunda yer alan yığmamız seçmə matçlara bu ilin aprelində Fransada çıxacaq. Reqlamentə əsasən, voleybolçularımız 5 gün dalbadal oynamalıdırlar. Komandamız bu müddət ərzində Sloveniya, Fransa, Rumıniya, Ukrayna və Belarusla qüvvəsini sınayacaq.

Qrupda ilk iki yeri tutacaq kollektivlər qitə çempionatının final mərhələsinə vəsiqə qazanacaq. Avropa birinciliyi bu ilin sentyabrında Serbiyada təşkil olunacaq. Serbiya, İtaliya, Rusiya və Türkiyə yığmaları Avro-2010-nun final mərhələsində birbaşa iştirak hüququna malikdir.

Milli komandamızın ikinci təsnifat mərhələsindəki oyunlarının təqvimi:

7 aprel, saat 21:00 Sloveniya - AZƏRBAYCAN
8 aprel, saat 23:30 AZƏRBAYCAN - Fransa
9 aprel, saat 21:00 Rumıniya - AZƏRBAYCAN
10 aprel, saat 18:30 Ukrayna - AZƏRBAYCAN
11 aprel, saat 18:30 AZƏRBAYCAN – Belarus

Qeyd: Oyunların başlanma saatı Bakı vaxtı ilə göstərilib.

• Azərbaycanın kişi voleybolçulardan ibarət yığması Ankarada yoxlama oyunları keçirəcək
• FIVB-nin məşqçi-instruktoru Cengiz Akarçeşme Azərbaycan yığmasının üzvləri ilə görüşüb
• Azərbaycan yığmasının Avropa Liqası üçün heyəti açıqlanıb
• Qadın voleybolçulardan ibarət millimiz xaricdəki təlim-məşq toplanışını yekunlaşdırıb
• Millimiz Belarus klubuna məğlub olub