Bakının qadın voleybolçulardan ibarət “Rabitə” klubunun UEFA Kubokunun “Dördlər finalı”ndakı sonuncu rəqibi müəyyənləşib. Apasport.az saytının məlumatına görə, komandamız həlledici mərhələdə Rusiya “Uraloçka”sı ilə də görüşməlidir. Yekaterinburq təmsilçisi 1/4 finalda Rumıniyanın “Voley 2004 Tomis” klubunu üstələyib - 3:1; 3:1.

Daha öncə “Srvena Zvezda” (Serbiya) və “Yamamay” (İtaliya) da “Rabitə”yə rəqib olmuşdu. “Dördlər finalı” martın 20-21-də keçiriləcək.

Yeri gəlmişkən, 1/4 finalda İstanbul “Əczaçıbaşı”sını məğlub etmiş “Rabitə” klubunun üzvləri bu gün Vətənə dönüblər. Tarixdə ilk dəfə “Dördlər finalı”na yüksəlmiş xanım voleybolçularımız hava limanında çoşqu ilə qarşılanıblar.

• Azərbaycanın kişi voleybolçulardan ibarət yığması Ankarada yoxlama oyunları keçirəcək
• FIVB-nin məşqçi-instruktoru Cengiz Akarçeşme Azərbaycan yığmasının üzvləri ilə görüşüb
• Azərbaycan yığmasının Avropa Liqası üçün heyəti açıqlanıb
• Qadın voleybolçulardan ibarət millimiz xaricdəki təlim-məşq toplanışını yekunlaşdırıb
• Millimiz Belarus klubuna məğlub olub