Otüstü hokkey üzrə qadınlardan ibarət yığma komandamız Almaniyanın Berlin şəhərində təlim-məşq toplanışını davam etdirir. Azərbaycan Otüstü Hokkey Federasiyasından apasport.az saytına verilən məlumata görə, martın 27-dən səfərdə hazırlıqlara başlayan hokkeyçilərimiz burada 2 yoldaşlıq oyununda da güclərini sınayıblar.

İlk görüşdə Almaniyanın I liqasında mübarizə aparan “TUSİ Klub”a 6:0 hesabı ilə qalib gələn millimiz növbəti matçda bu ölkənin “Berliner” komandası ilə sülh bağlayıb – 2:2.

Qeyd edək ki, təlim-məşq toplanışında əsas məqsəd Rusiyanın Kazan şəhərində keçiriləcək dünya çempionatının seçmə qrup mərhələsinə yüksək səviyyədə hazırlaşmaqdır. Aprelin 17-25-də Rusiyanın Kazan şəhərində təşkil ediləcək bu mötəbər yarışda rəqiblərimiz Yaponiya, İtaliya, Rusiya, Belarus və Uels hokkeyçiləri olacaqlar. Final mərhələsinə yalnız birinci yerin sahibi vəsiqə qazanacaq.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq