Gələn mövsümdən Azərbaycanda voleybol klublarının sayı artacaq. Apasport.az saytının məlumatına görə, nəqliyyat naziri Ziya Məmmədov "Bakı" adlı yeni voleybol komandası yaradacaq.

Bu komandaya hazırda "Bakı" futbol klubunda vitse-prezident postunu tutan türkiyəli Tunc Afşarın nəzarət edəcəyi gündəmə gəlib. Afşarın voleybol sahəsində müəyyən təcrübəsi var. O, hazırda “Fənərbaxça Acıbadem”də çıxış edən məşhur rusiyalı Yekatrina Qamovanın şəxsi meneceridir.

Tunc Afşar apasport.az saytına açıqlamasında xəbəri nə təsdiq, nə də təkzib edib: "Hələ bu barədə konkret nə isə demək istəmirəm. Çünki "Bakı"nın prezidenti Hafiz Məmmədovla görüşməmişəm".

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq