Qadın voleybolçular arasında Şamil Şamxalovun xatirəsinə həsr olunmuş turnir bu gün başa çatacaq. Apasport.az saytının məlumatına görə, yeni istifadəyə verilən “Lokomotiv” İdman Kompleksində öncə üçüncü yerin sahibi müəyyənləşib.

İlk dəfə keçirilən yarışın bürünc medalları uğrunda “Lokomotiv” və “İqtisadçı” üz-üzə gəliblər. İlk setdə “dəmiryolçular” qələbə qazanıblar. Lakin onlar bu uğurun davamını gətirə bilməyiblər. Belə ki, “ev sahibləri” rəqibə dalbadal 2 set “verdikdən” sonra hesabı bərabərləşdirsələr də, gücləri bundan artığına çatmayıb.

Bir sözlə, “dəmiryolçular” üçün yeni baza düşərli olmayıb. Həlledici hissədə 10:15 hesabı ilə uduzan “Lokomotiv” bürünc medalların “İqtisadçı”ya qismət olmasında əngəl yarada bilməyib.

Finalda isə “Azərreyl” və “Rabitə” qüvvəsini sınayıb. Rəqibini 3:2 hesabı ilə məğlub edən “rabitəçilər” turnirin qalibi olublar.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq