Azərbaycan yığmasının voleybolçusu Natalya Məmmədovanın çıxış etdiyi Krasnodarın “Dinamo” klubunun Rusiya çempionatının finalına yüksəlməsi çətinləşib. Apasport.az saytının məlumatına görə, “Zariçye Odinçova” ilə matçın ilk setində krasnodarlılar qələbə qazansalar da, üstünlüyü qoruya bilməyiblər. Birinci hissədəki məğlubiyyətdən “dərs alan” rəqib Məmmədovanın komandasına çətin anlar yaşadıb. Dalbadal 3 setdə “Dinamo”ya qalib gələn “Zariçye Odinçova” 3:1 hesabı ilə qələbə qazanıb. Reqlamentə görə, 3 qələbə qazanan komanda finala yüksələcək.

Qeyd edək ki, qazanılan qələbədən sonra “Zariçye Odinçova” 2:0 hesabı ilə irəlidədir.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq