Sabah Belarusun Mogilyov şəhərində voleybol üzrə qadınlar arasında Avropa çempionatının I seçmə mərhələsi start götürəcək. Apasport.az saytının məlumatına görə, Bosniya və Herseqovina, Belarus, Gürcüstanın və Azərbaycan yığmasının yer aldığı A qrupunda oyunları idarə edəcək hakimlərin adları açıqlanıb.

Belə ki, mayın 21-də Azərbaycan - Bosniya və Herseqovina komandalarının oyununda ədaləti çexiyalı Rene Cinatl və rusiyalı Nadejda Kozlova (Rusiya) qoruyacaqlar. Faiq Qarayevin yetirmələrini Gürcüstanla görüşə Audrius Qarqasas (Latviya) və Maqnus Haqstrom (İsveç) çıxaracaq. Qrupda çempionluq üçün qarşılaşacaq Azərbaycan və Belarus yığmaları arasında keçiriləcək matçda isə Maqnus Haqstrom (İsveç) və Nadejda Kozlova (Rusiya) referilik edəcəklər.

Qeyd edək ki, seçmə mərhələnin II mərhələsi mayın 28-30-da Bakıda keçiriləcək.

• Azərbaycan milliləri Avropa Liqasında iştirak edəcəklər
• Millimiz Polşaya yollanıb
• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib