Voleybol üzrə qadınlar arasında Avropa çempionatının I seçmə mərhələsində Azərbaycan yığmasının rəqibi Bosniya və Herseqovina yığması Bakıdadır. Bu barədə apasport.az saytına Azərbaycan Voleybol Federasiyasından məlumat verilib.

Dünən axşam saatlarında ölkəmizə gələn bosniyalılar bu gündən ilk məşqlərinə çıxacaqlar. Onlar paytaxtımızda keçiriləcək Avropa çempionatının II seçmə mərhələsinə federasiyanın idman zalında hazırlaşacaqlar.

Qeyd edək ki, A qrupunda millimizlə yer alan Bosniya və Herseqovina voleybolçuları Mogilyovda baş tutan birinci oyunda Faiq Qarayevin yetirmələrinə 0:3 hesabı ilə məğlub olublar. Komandamızla bərabər Belarusa da uduzan qonaqlarımız yalnız Gürcüstan yığmasına qalib gəlib. Aktivində 4 xalı olan Bosniya və Herseqovina turnir cədvəlində 3-cü pillədə qərarlaşıb.

• “Azərreyl” və “Xilasedici”dən qələbə
• “Gəncə” və “Abşeron”dan qələbə
• “Gəncə” və “Abşeron”dan qələbə
• AVF hakimlər üçün seminar təşkil edib
• Azərbaycan kubokunun keçiriləcəyi tarixlər bəlli olub