2011-ci ildə qadın voleybolçular arasında keçiriləcək Avropa çempionatının seçmə qrup mərhələsini uğurla başa vuraraq, birbaşa qitə çempionatının finallarında oynamaq hüququ qazanan Azərbaycan yığmasının 3 həftəlik məzuniyyəti iyunun 29-da başa çatacaq. Apasport.az saytının xəbərinə görə, elə həmin gündən etibarən millimiz baş məşqçi Faiq Qarayevin rəhbərliyi altında federasiyanın zalında növbəti təlim-məşq toplanışına başlayacaq.

Komandanın toplanışı iyunun 21-də başlamalı idi. Lakin komanda iyulun 4-də Rusiyanın Yekaterinburq şəhərində startı veriləcək ənənəvi Yeltsin Kubokunda iştirakdan imtina etdiyi üçün rəhbərlik voleybolçuların məzuniyyətini daha bir həftə artırmalı olub.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq