Avstriyanın paytaxtı Vyanada qadın voleybolçular arasında Çempionlar Liqasının püşkü atılıb. Apasport.az saytının məlumatına görə, Azərbaycan çempionu “Rabitə” püşkatmada E qrupunda yer alıb. Paytaxt klubu növbəti mərhələyə yüksəlmək üçün İtaliyanın “Skavaloni”, Polşanın “Aluprof” və Rumıniyanın “Dinamo Romprest” komandaları ilə mübarizə aparacaq.

Noyabrın 24-də (+1, -1 gün) start götürəcək yarışda voleybolçularımız ilk görüşlərini səfərdə Buxarestin “Dinamo Romprest” klubuna qarşı keçirəcəklər. Sonra dekabrın 1-də İtaliya təmsilçilərini Bakıda qəbul edəcək “Rabitə” ilk dövrənin axırıncı oyununda (8 dekabr) Polşaya səfər edəcək.

İkinci dövrənin ilk matçında isə “Aluprof” paytaxtımızda komandamızla oynayacaq (15 dekabr). Son iki turda Azərbaycan çempionu səfərdə “Skavaloni” (5 yanvar, 2011) və evdə “Dinamo Romprest”lə (11 yanvar, 2011) qüvvəsini sınayacaq.

Qeyd edək ki, “Rabitə” Çempionlar Liqasında “wild card”la iştirak edir.

• “Azərreyl” və “Xilasedici”dən qələbə
• “Gəncə” və “Abşeron”dan qələbə
• “Gəncə” və “Abşeron”dan qələbə
• AVF hakimlər üçün seminar təşkil edib
• Azərbaycan kubokunun keçiriləcəyi tarixlər bəlli olub