Voleybol üzrə qadınlardan ibarət “Rabitə” klubunun Çempionlar Liqasında rəqibi “Dinamo Romprest” (Rumıniya) heyətini gücləndirməkdə davam edir. Apasport.az saytının məlumatına görə, ilk görüşdə Buxarestdə Azərbaycan komandasını qəbul edəcək rumıniyalılar Serbiya yığmasının aparıcı voleybolçusu Covana Vesoviçlə 1 illik müqavilə imzalayıblar. 1987-ci ildə anadan olan Vesoviç son mövsümü “Volero”da keçirib və İsveçrə çempionu adını qazanıb.

Qeyd edək ki, Azərbaycan çempionu “Rabitə” E qrupunda növbəti mərhələyə yüksəlmək üçün İtaliyanın “Skavolini”, Polşanın “Aluprof” və Rumıniyanın “Dinamo Romprest” komandaları ilə mübarizə aparacaq.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq