Basketbol üzrə kişilər arasında Avropa çempionatının B divizionunun oyunlarına start verilib. Apasport.az saytının məlumatına görə, ilk turda Albaniya yığması ilə qarşılaşan Azərbaycan milli komandası səfərdən qələbə ilə dönüb. Elxan Əliyevin yetirmələri rəqiblərini 81:63 (17:19, 31:14, 16:17, 17:13) hesabı ilə məğlub ediblər. Komandamızın heyətində ən çox xal qazanan Çarlz Devis olub. Milliləşdirilmiş amerikalı legionerimiz yığmamıza 23 xal qazandırıb. Ondan başqa komandamızın üzvlərindən - Zaur Paşayev 14, Fuad Niftəliyev 13, Rasim Başak 12, Aleksandr Rındin 10 və Tahir Baxşiyev 9 xal qazanıblar.

Elxan Əliyevin yetirmələrinin yer aldığı B qrupunun digər görüşündə İsveç və Belarus milliləri qarşılaşıb. Kifayət qədər güclü olan ev sahibləri 75:66 hesabı ilə qalib gəliblər.

Qeyd edək ki, yığmamız növbəti oyununu avqustun 14-də Belarus basketbolçularına qarşı keçirəcək. Qarşılaşma “Sərhədçi” Olimpiya Mərkəzində baş tutacaq.

• “Murov Az Terminal”dan yeni transfer
• Pazdnekov Aleksandr: "Bəzən oyunumuz istədiyimiz kimi alınmır"
• “Azərreyl” və “Murov Az Terminal” yarımfinala yüksəldi
• “Azərreyl” və “Xilasedici”dən qələbə
• “Gəncə” və “Abşeron”dan qələbə