Kişi basketbolçular arasında Avropa çempionatının B divizionunun ilk dövrəsi yekunlaşıb. Apasport.az saytının məlumatına görə, Azərbaycan yığması İsveçə 73:101 məğlub olduqdan sonra turnir cədvəlində birinci pillədən üçüncü yerə enib.

Belə ki, Elxan Əliyevin yetirmələrinin yer aldığı qrupun digər oyununda Rumıniya basketbolçuları Belarusa 80:79 hesabı ilə qalib gələrək, top fərqinə görə həmyerlilərimizi qabaqlayıblar. İsveç hücumda məhsuldarlığına və müdafiədə inamlı oyununa görə birincidir.

Qeyd edək ki, 4 oyunda bir dəfə məğlubiyyət acısı yaşayan Azərbaycan yığması 7 xal toplayıb və Belarus (5 xal) və Albaniyadan (4 xal) irəlidədir.

1. İsveç	4	3	1	341-273	7
2. Rumıniya	4	3	1	329-308	7
3. AZƏRBAYCAN	4	3	1	338-329	7
4. Belarus	4	1	3	318-314	5
5. Albaniya	4	0	4	277-379	4

• “Murov Az Terminal”dan yeni transfer
• Pazdnekov Aleksandr: "Bəzən oyunumuz istədiyimiz kimi alınmır"
• “Azərreyl” və “Murov Az Terminal” yarımfinala yüksəldi
• “Azərreyl” və “Xilasedici”dən qələbə
• “Gəncə” və “Abşeron”dan qələbə