Basketbol üzrə kişilər arasında Avropa çempionatının B divizionunda ilk dövrənin bombardirlər siyahısı açıqlanıb. Apasport.az saytının məlumatına görə, 4 oyundan 3-də qələbə qazanan Azərbaycan yığmasının amerikalı legioneri Çarlz Devis ilk pillədəki mövqeyini itirib.

O, topladığı 104 xalla ikinci yerə enib. Birinci pillədə 3 oyunda 80 xal qazanan hollandiyalı Henk Norel qərarlaşıb. İlk “üçlüy”ü isə İsveç yığmasının üzvü Yanes Jerebko (100 xal) qapayır.

Digər basketbolçularımızdan ilk “20-lik”də yalnız Fuad Niftəliyev yer alıb. O, komandamıza 4 matçda 56 xal qazandırıb.

Qeyd edək, çempionatın II dövrəsinə 2011-ci ilin avqustunda start veriləcək.

• “Murov Az Terminal”dan yeni transfer
• Pazdnekov Aleksandr: "Bəzən oyunumuz istədiyimiz kimi alınmır"
• “Azərreyl” və “Murov Az Terminal” yarımfinala yüksəldi
• “Azərreyl” və “Xilasedici”dən qələbə
• “Gəncə” və “Abşeron”dan qələbə