Paytaxtın “Azərneft” klubu heyətini gücləndirmək üçün baxışa 2 voleybolçu cəlb edib. Komandanın prezidenti Nazim Allahverdiyevin apasport.az saytına verdiyi məlumata görə, əcnəbilər Ukraynada sınaqdan keçiriləcək.

Belə ki, bu ölkədə baş tutacaq beynəlxalq turnirdə “Azərneft”in heyətində meydana çıxacaq ukraynalılar - Dmitri Deveryançenko və Denis Andriyenko barəsində son qərar onların oyunlarından sonra veriləcək.

Komandamız səfərə sentyabrın 1-də yola düşəcək və burada ev sahibləri, Türkiyə, Rusiya, Belarus və Birləşmiş Ərəb Əmirliklərinin komandaları ilə qarşılaşacaq.

Qeyd edək ki, “Çelenc cup”da Azərbaycanı təmsil edəcək “Azərneft” mövsümün ilk transferini reallaşdırıb. Onlar 1993-cü il təvəllüdlü Həsən Turanlını heyətlərinə qatıblar.

• “Murov Az Terminal”dan yeni transfer
• Pazdnekov Aleksandr: "Bəzən oyunumuz istədiyimiz kimi alınmır"
• “Azərreyl” və “Murov Az Terminal” yarımfinala yüksəldi
• “Azərreyl” və “Xilasedici”dən qələbə
• “Gəncə” və “Abşeron”dan qələbə