Qadınlar arasında Avro-2012-nin pley-off mərhələsinin cavab oyununda “İqtisadçı”nın yeni transferi Riikko Lehtonen Finlandiya yığmasının heyətində yer alıb. Apasport.az saytının məlumatına görə, “Çelenc cup”da ölkəmizin idman şərəfini qoruyacaq voleybolçunun bu mərhələdə çıxışı uğurlu alınıb. Finlandiya yığmasının kapitanı Fransa milli komandasına qarşı gözəl oyunu ilə yadda qalıb. O, yığmanın heyətində hamıdan çox - 22 xal toplayıb. Təəssüf ki, Rəşad Yazıçıoğullarının rəhbərliyi altında oynayacaq təcrübəli voleybolçunun topladığı xallar komandasına qələbə qazandırmayıb. İlk görüşdə olduğu kimi bu dəfə də fransızlara 0:3 hesabı ilə uduzan finlandiyalılar Avropa çempionatının final mərhələsinə yüksələ bilməyiblər.

Qeyd edək ki, Lehtonen birinci görüşdə komandasına 12 xal qazandırmışdı.

• Azərbaycan milliləri Avropa Liqasında iştirak edəcəklər
• Millimiz Polşaya yollanıb
• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib