Həndbol üzrə kişilər arasında Türkiyə Super Liqasında VI turun oyunları keçirilib. Apasport.az saytının məlumatına görə, Azərbaycan yığmasının üzvləri - Eldar Fərəcov, Emin Aydəmirov, Kamran Alxazov və Sergey Georgevskinin forma geyindikləri “Trabzonspor” “Çankaya Bələdiyyəsi Ankaspor”u qəbul edib.

Oyun həmyerlilərimiz üçün uğurlu alınıb. Onların komandası rəqiblərinə 29:27 hesabı ilə qalib gəliblər. Türkiyəli həmkarlarımız görüşdə Azərbaycan həndbolçularının oyununu yüksək qiymətləndiriblər. Onlar “Trabzonspor”un üzvlərindən 3 nəfərə “3 ulduz” veriblər ki, onlardan Fərəcovla Georgevski milli komandamızın üzvüdür.

Qeyd edək ki, həndbolçularımız “Trabzonspor”a birlikdə 18 xal qazandırıblar. Onlardan Fərəcov 7, Georgevski 9, Aydəmirov 1 və Alxazov 1 xala sahib olub. Georgevski həmçinin, yenidən klubunun bombardiri adına yiyələnib.

• Avropa çempionatı Azərbaycanda!
• AVF rəsmisi beynəlxalq yarışa təyinat alıb
• “Abşeron” kubokun sahibi olub
• "Xilasedici" ölkə kubokunun qalibi olub
• “Azərreyl” və “Xilasedici”dən qələbə