Sabah qadın voleybolçular arasında Çempionlar Liqasının qrup mərhələsinə yekun vurulacaq. Apasport.az saytının məlumatına görə, E qrupunda yer alan Azərbaycan çempionu “Rabitə” son turda Rumıniyanın “Dinamo-Romprest” klubunu qəbul edəcək.

Bu oyunda qələbə Bakı klubu üçün vacibdir. Komandamız xal itirəcəyi halda qrup liderliyini əldən verə bilər. Bunun üçün V turdan pley-off mərhələsinə vəsiqə qazanan voleybolçularımızın bu şansı əldən verəcəyi inandırıcı görünmür. Onların qarşılaşacağı “Dinamo-Romprest”in hələ də qələbəyə həsrət qaldığını nəzərə alsaq, “Rabitə”nin rumıniyalıları “quru hesabla” məğlub edəcəyini proqnozlaşdırmaq olar.

“Sərhədçi” Olimpiya Mərkəzində baş tutacaq görüş saat 17:00-da start götürəcək. Qrupumuzun digər matçında isə Polşa “Aluprof”u İtaliya “Skavolini”sini qəbul edəcək.

Xatırladaq ki, Dejan Brdjoviçin yetirmələri ilk turda “Dinamo-Romprest”lə qarşılaşmışdı və 3:0 hesabı ilə qələbə qazanmışdı.

Rabitə	5	3	2	446-410	13-7	11
Skavolini	5	4	1	453-407	13-7	10
Aluprof	5	3	2	481-471	11-11	8
Dinamo-Romprest	5	0	5	356-448	3-15	1

• Avropa çempionatı Azərbaycanda!
• AVF rəsmisi beynəlxalq yarışa təyinat alıb
• “Abşeron” kubokun sahibi olub
• "Xilasedici" ölkə kubokunun qalibi olub
• “Azərreyl” və “Xilasedici”dən qələbə