Çempionlar Liqasının VI turunda “Rabitə” (Azərbaycan) – “Dinamo-Romprest” (Rumıniya) matçının bombardirinin adı açıqlanıb. Apasport.az saytının məlumatına görə, “Sərhədçi” Olimpiya Mərkəzində baş tutan qrup mərhələsinin son qarşılaşmasında ən çox xalı Bakı klubunun serbiyalı legioneri Sanya Staroviç toplayıb. O, 63 dəqiqə davam edən oyunda komandasının aktivinə 17 xal yazdırmağı bacarıb.

“Rabitə”nin digər üzvlərindən – Kimberli Qlass 13, Mira Qoluboviç 11, Nataşa Krsmanoviç 10, Natalya Məmmədova 6, İrina Jukova və Boyana Doqanjiç hərəyə 2 dəqiq zərbə vurublar. “Dinamo-Romprest”in heyətində isə kapitan Alida Markovici 9 xal qazanıb.

Qeyd edək ki, rumıniyalıları 3:0 hesabı ilə məğlub edən “Rabitə” qrup mərhələsini I yerdə başa vurub.

• “Murov Az Terminal”dan yeni transfer
• Voleybol üzrə Avropa çempionatının açılış mərasimi keçirilib - FOTO
• Azərbaycanlı hakim voleybol üzrə Avropa çempionatına təyinat alıb
• Millimizin Avropa çempionatı üçün yekun heyəti bəlli olub
• Bakıda keçiriləcək voleybol üzrə Avropa çempionatının maskotları bəlli olub