“Biz qrupdan narazı deyilik. Fikrimcə, növbəti mərhələyə çıxmaq bizim üçün problem olmamalıdır”. Apasport.az saytının məlumatına görə, bunu həndbolçu qadınlar üzrə Macarıstanın yığmasının baş məşqçisi Ester Matefi deyib.

Avro-2012-nin püşkatmasına münasibət bildirən Matefinin sözlərinə görə, Almaniya, Azərbaycan və Belarusla eyni qrupa düşmələrindən narazı qalmaq düzgün deyil: “Növbəti mərhələyə 2 komanda çıxdığını nəzərə alsaq, şansımız yüksəkdir. Sadəcə, liderlik söhbəti var. Bunun üçün almanlarla mübarizə aparmalıyıq. Azərbaycan və Belarusa gəldikdə, onları məğlub etmək elə də çətin olmayacaq. Burada yalnız 1 problem var: səyahət asan olsa da, yol uzaqdır”.

Qeyd edək ki, ilk turda Azərbaycanı qəbul edəcək (19-20 oktyabr) Macarıstan həndbolçuları 2012-ci il mayın 30-da və ya 31-də Bakıda meydana çıxacaq.

• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar
• Avropa çempionatı Azərbaycanda!