Azərbaycan yığmasının 2 voleybolçusu - Pərviz Səmədovla Dmitri Obodnikov karyeralarını vətəndə davam etdirəcəklər. Apasport.az saytının məlumatına görə, İranın “Şahrdari-Təbriz” klubunda çıxış edən həmyerlilərimiz yenidən “Azərneft”in düşərgəsinə qayıdıblar. Buna səbəb isə icarə əsasında Təbriz komandasında forma geyinən voleybolçularımızın müqavilə müddətinin və İran çempionatının başa çatmasıdır.

Onların Azərbaycan çempionunun heyətinə dönüşündən sonra milli komandamızın xaricdə oynayan voleybolçularının sayı 2-yə enib. Pərviz Səmədovla Dmitri Obodnikovdan öncə Türkiyə “Sivas 4 Eylül Bələdiyyəspor”undan Fərid Cəlalov da Bakıya qayıtmağa üstünlük vermişdi.

Qeyd edək ki, hazırda Aleksey Çervyakov Rusiyanın “Krasnoyarsk” və Yevgeni Kovalenko Belarusun “Şaxtyor” (Soliqorsk) komandalarının şərəfini qoruyurlar.

• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar
• Avropa çempionatı Azərbaycanda!