Qadın voleybolçulardan ibarət Azərbaycan çempionatının qalibi müəyyənləşib. Apasport.az saytının məlumatına görə, bu, final mərhələsinin VIII turunda, özü də vaxtından öncə baş verib.

Son çempion “Rabitə”nin hesabat turunun ilk oyununda - “Lokomotiv” – “Azərreyl” görüşünün yekununa əsasən yenidən ölkənin ən güclü komandası olması rəsmiləşib.

Belə ki, “Azərreyl” rəqibinə 2:3 hesabı ilə uduzaraq, turnir cədvəlində birinci olan “Rabitə”yə çatmaq şansını heçə endirib. Bununla, Dejan Brdjoviçin rəhbərlik etdiyi komanda ardıcıl 5-ci dəfə ölkə çempionu olub.

Qeyd edək ki, “Azərreyl”dən fərqli, “Rabitə”nin 2 oyunu qalıb və onlar hər 2 matça uduzsalar da 15 xala sahib olacaqlar. “Azərreyl” isə sabah qələbə qazansa belə, 14 xal toplayacaq.

• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar
• Avropa çempionatı Azərbaycanda!